Halmashauri ya Wilaya ya Geita kuboresha huduma ya afya kwa zaidi ya vijiji 140 na kata 30

Posted on: November 13th, 2018

Katika kutekeleza mpango wa huduma ya afya kwa wananchi, Halmashauri ya Wilaya Geita imeazimia kufika lengo la kuwa na vituo vya kutolea hududuma ya  afya kwa kila kijiji na kata.

Katika ziara ya Mkuu wa Mkoa wa Geita Injinia Robert Gabriel na viongozi wa Halmashauri ya Wilaya ya Geita waliozuru katika kata tatu(3) za Nyakamwaga,Bukoli na Nyarugusu  na vijiji vyake kando na changamoto kadhaa zilizobainika  huduma ya afya imetajwa kuimarika hasa katika mpango wa ujenzi wa zahanati kwa kila kijiji na vituo vya afya kila kata.

Ziara  ya Mkuu huyo kwa katika   Halmashauri ya Wilaya ya Geita ameshiriki katika ujenzi wa zahati mbili ambazo ni  zahanati ya kijiji cha  Bugalahinga kata ya Nyakamwaga, zahanati ya kijiji cha ikina  kata ya Bukoli na kituo cha afya cha  Nyarugusu.

Katika ziara hiyo Mwenyekiti wa Halmashauri ya Wilaya ya  Geita Mhe. Diwani Elisha Halaka Lupuga ameahidi kutoa msaada wa Milioni Tano(5,000,000) kwa kila zahanati inayojengwa ili kusaidia kukamilika kwa zoezi hilo huku viongozi aliombatana nao wakiongeza nguvu kwa michango ya mifuko ya theruji na tofali.

Aidha Injiania Robert mbali na kutoa pongezi kwa Halmashauri kwa juhudi ya kufanya vijiji zaidi ya 145 kuwa na uhakika wa huduma ya afya lakini ameshauri kuwepo mapitio mapya ya baadhi ya miradi ya afya kutokana na kuonekana kuwa na matumizi makubwa ya fedha  katika ujenzi wake inayokwenda kinyume na maelekezo ya matumizi ya Serikali.