Idara ya Maendeleo ya Jamii ni “MTAMBUKA” ikihusisha sekta ya Maendeleo ya Jamii katika Nyanja za Kijamii, Kiuchumi,Kiutamaduni na hata Utawala bora. Lengo ni kuhakikisha Jamii inashiriki kikamilifu katika Kubuni, Kupanga,kutekeleza,kusimamia , na kufuatilia katika upatikanaji wa huduma za msingi za kiuchumi na kijamii katika maeneo yao.
Majukumu ya Msingi ya Idara;
Kushirikisha jamii katika kubuni, kupanga, na kusimamia utekelezaji wa mipango na miradi ya maendeleo katika maeneo yao.
Kusimamia na kuratibu shughuli za wanawake,jinsia,wazee na watoto.
Kuhimiza jamii kujenga na kuimarrisha ari ya kufanya kazi za maendeleo kwa njia ya kuchangia na kujitolea kwa kutumia vizuri rasilimali chache zilizopo kwenye maeneo yao.
Kuhakikisha kuwa jamii inabadilika kutoka fikra na mitazamo asilia ya maendeleo na kuwa na fikra na mitazamo inayokwenda na wakati na kushiriki kikamilifu katika kubuni, kupanga, kutekeleza na kufuatilia mipango ya Maendeleo yao.
Kuelimisha Jamii kuondokana na mila potofu zinozopelekea vitendo vya kikatili dhidi ya Wanawake, Watoto, Vikongwe na Watu wenye ulemavu wa ngozi.
Kusimamia na kuratibu shughuli za mashirika yasiyo ya kiserikali na wadau wa Maendeleo.
Kutoa mafunzo ya ujasiriamali na kuwezesha vikundi vya wanawake kwa kuwapatia mitaji ya kuendeleza miradi yao
Kuelimisha Jamii zitambue kuwa rasilimali za kuleta maendeleo ziko ndani ya Jamii zenyewe na kwamba wanao uwezo wa kuzibaini na kuzitumia kwa ajili ya Maendeleo yao badala ya kufikiria kuwa zinapatikana kutoka serikalini au nje kama msaada.
Kuendeleza na kueneza teknolojia rahisi na sahihi vijijini kwa kuelimisha Jamii kujenga nyumba bora na zenye bei nafuu, kutumia majiko sanifu na banifu na utengenezaji wa matofali saruji udongo.
Kuelimisha jamii zione umuhimu wa kuchagua viongozi bora na kushirikiana nao katika Uongozi na kazi za kujitolea kwa maendeleo yao na kujenga tabia ya kuwajibika. Pia Jamii ione umuhimu wa kuzingatia sheria, kanuni na taraibu halali zilizopo.
Kusisitiza Jamii juu ya wajibu wa Wazazi/ Walezi wote wawili yaani Wanaume na Wanawake kwa pamoja katika malezi na Makuzi ya Mtoto.
Kuelimisha Jamii juu umuhimu wa Kuwatunza, kuwalinda na kuwathamini watu wote wenye ulemavu wa aina mbalimbali katika maeneo yao, ikiwa ni pamoja na kuanzisha mfuko maalam wa kusaidia kundi hili.
