Kuhakikisha kamati za VVU na UKIMWI zinaundwa na kufanya kazi kwa kila ngazi kwa kufuata miongozo inayotolewa.
Kuhakikisha tathmini ya hali halisi ya VVU na UKIMWI katika Halmashauri inafanyika na kuweka mikakati ya utekelezaji kila mwaka.
Kuhakikisha mipango yote ya UKIMWI na wadau wanaotekeleza katika Halmashauri husika vinaingizwa kwenye mpango Mkakati wa UKIMWI wa Halmashauri na Mkoa ili kuondoa urudufu wa juhudi na rasilimali.
Kuhimiza Halmashauri kutenga fedha za mapato ya ndani na kushirikisha wadau katika kuchangia rasilimali hizo kwa ajili ya utekelezaji wa shughuli za kudhibiti UKIMWI.
Kuhakikisha uwepo wa orodha hai ya wadau wa masuala ya UKIMWI katika Halmashauri.
Kutoa ushauri kwa ngazi inayohusika kuhusu sera au sheria ndogo juu ya udhibiti wa VVU na UKIMWI.
Kuhakikisha sera, Mkakati wa Taifa wa kudhibiti UKIMWI, Sheria, Miongozo na matokeo ya tafiti mbalimbali ya masuala ya UKIMWI yanawafikia wadau na wananchi kwa ujumla
Kutambua na kutathmini shughuli za wadau mbalimbali wanaotekeleza afua za VVU na UKIMWI katika Halmashauri
Kuratibu,Kufuatilia na kutathmini utekelezaji wa shughuli za VVU na UKIMWI zilizopangwa
Kupitia taarifa za Uratibu zinazofanywa na Halmashauri na kutoa ushauri wa namna ya kuimarisha na kuongeza ufanisi.
Kutoa taarifa za shughuli za VVU na UKIMWI kwenye baraza la madiwani kila baada ya miezi mitatu
