Vijana watakiwa kuchangamkia fursa Geita

Posted on: August 27th, 2019

Vijana katika mkoa wa Geita wametakiwa kuchangamkia  fursa mbalimbali ambazo hupatikana katika mkoa wa Geita  ili waweze kujikwamua kiuchumi.

Mkuu wa Mkoa wa Geita ,Mhandisi Robert Gabriel wakati akiongea na wafanyakazi wa RUBONDO FM  Jumanne tarehe 28/08/2019 ambapo amesema Serikali ya awamu ya Tano ina fursa nyingi za kuwasaidia vijana.

Mkurugenzi mtendaji wa Halmashauri ya wilaya ya Geita Ali  Kidwaka amewataka vijana wenye mipango ya maendeleo kujitokeza katika Halmashauri ili waweze kusaidiwa mitaji ya fedha.

Katika ziara hiyo fupi ndani ya ofisi ya kurushia matangazo Redio Rubondo  Mhandisi Gabriel ameipongeza Halmashauri ya wilaya ya Geita kwa hatua kubwa ya kuanzisha redio ambayo ni fursa kubwa katika kuongeza mapato ya halmashauri.

Mhandisi Robert amesema kupitia ofisi yake na ofisi ya Mkurugenzi mtendaji wa Halmashauri ya Wilaya ya Geita atajenga studio kubwa ya kisasa ya uzalishaji wa kazi za muziki  ili kuongeza ufanisi wa urushwaji wa matangazo  na usikivu mzuri.