VIJANA MKOANI GEITA WAPEWA ELIMU KUJIKINGA NA MAAMBUKIZI YA VIRUSI VYA UKIMWI

Posted on: November 30th, 2025

Lwamgasa - Geita

Maadhimisho ya Siku ya UKIMWI Duniani kimkoa yamefanyika tarehe 29 Novemba 2025 katika viwanja vya Sekondari Isangilo, Lwamgasa, yakiwaleta pamoja wadau mbalimbali wa afya, viongozi wa serikali, vijana na wakazi wa maeneo ya jirani kujadili namna ya kukabiliana na maambukizi mapya ya Virusi vya UKIMWI, huku msisitizo mkubwa ukiwekwa kwa vijana, hasa wa kike.

Mgeni rasmi katika maadhimisho hayo, Afisa Maendeleo wa Mkoa wa Geita, Bi. Martha Kaloso, alisisitiza umuhimu wa jamii  hususan vijana kujengewa uelewa wa kutosha kuhusu mbinu sahihi za kujikinga na maambukizi. Akizungumza mbele ya vijana hao  Bi. Kaloso alieleza kuwa mabadiliko ya tabia, mawasiliano ya wazi katika familia, upatikanaji wa huduma rafiki kwa vijana na kuondoa unyanyapaa ni nguzo muhimu katika mapambano ya UKIMWI.

"kuendelea kusambaza elimu ya kujikinga na maambukizi mapya na kutowanyanyapaa watu wenye maambukizi ya virusi vya UKIMWI. Elimu hii inatakiwa kusambazwa kwa upendo kwa watu wengine kwa kuwashauri na kuwasisitiza watu wengine kujitokeza kupata elimu ya maambukizi haya " alisema Bi.Kaloso akihimiza vijana ambao wanatakiwa kuwa mabalozi wa mapambano dhidi ya UKIMWI.

Katika maadhimisho hayo, wataalamu wa afya walitoa elimu juu ya njia salama za kujikinga, ikiwemo matumizi sahihi ya kondomu, kupima kwa hiari na kujua hali yako, kutokutumia sindano kwa pamoja,

Maadhimisho haya yalitoa wito mpya wa kuendelea kuhimiza ushirikiano wa jamii nzima katika kupunguza maambukizi, kuimarisha mwitikio na kuunga mkono juhudi za serikali na wadau katika kufikia kizazi kisicho na UKIMWI.

Kauli mbiu ya mwaka huu: Shinda Vikwazo, Imarisha Mwitikio - Tokomeza UKIMWI.