Soko la Kisasa

Posted on: August 15th, 2020

Wananchi Mkoani Geita wamepongeza kasi ya Ujenzi wa mradi wa soko kubwa la kisasa linalojengwa Katoro ndani ya Halmashauri ya Wilaya Geita linalotazamiwa kumaliza Desemba 2020

Mhandisi wa mradi huo kutoka Suma JKT Mhandisi Shimwesa Saidi amesema kasi ya ujenzi wa soko hilo inachagizwa na upatikanaji wa vifaa  kwa haraka na ushirikiano kutoka halmashauri wilaya ya Geita pamojana na fedha za uwajibikaji kwa jamii

Wananchi wa Katoro wamepongea hatua ya ujenzi huku wakiamini itaongeza chachu ya maendeleo kwa jamii na kukua kwa muingiliano wa kibiashara Afrika Mashariki na Kati

Wakati huohuo mwenyekiti wa chama cha mapinduzi wilaya ya Geita Barnabas Mapande amesema utekelezaji wa mradi huo mkubwa ni alama ya kukua kwa maendeleo ndani ya mkoa wa Geita.

Mradi huo wa soko kubwa la kisasa mji mdogo wa katoro unatajwa kugharimu zaidi ya shilingi bilioni 2 na soko hilo  litakuwa katika orodha ya masoko bora zaidi ukanda wa Afrika Mashariki na kati.