DC SHIMO AWASHAURI WANUFAIKA WA TASAF KUJIFUNZA KUSOMA NA KUANDIKA ILI KUPATA TAARIFA MBALIMBALI ZA MAENDELEO

Posted on: December 26th, 2021

Mkuu wa Wilaya ya Geita Wilson Shimo ametoa wito wa kuitaka jamii kujifunza kusoma na kuandika huku akiwaagiza watendaji wa vijiji na kata kuanzisha mfumo wa elimu ya watu wazima ili kuisaidia jamii kupata taarifa mbalimbali zinazohusu maendeleo yao ya kiuchumi.

Mkuu wa Wilaya ya Geita Shimo ametoa wito huo akiwa katika ziara ya ufuatiliaji wa mpango wa kunusuru kaya Maskini kipindi cha pili alipokuwa akizungumza na wanufaika wa Mpango huo katika vijiji vya Bugalama na Isamilo katika Halmashauri ya Wilaya ya Geita na kubaini kuwa wengi wao hawajui kusoma na kuandika.

Mkuu wa Wilaya akiwa na Kamati ya ulinzi na usalama Wilaya ya Geita  amewataka wanufaika wa Mpango huo wa kunusuru kaya maskini kutumia vizuri fedha wanazopata kwa kufanya ujasiriamali, kilimo, na ufugaji ili mpango huo ulete tija kwenye jamii.

Naye Mratibu wa mpango wa TASAF katika Halmashauri ya wilaya ya Geita Gabriel Evarist amesema kuwa mpaka sasa wameshatekeleza awamu sita iliyoishia mwezi wa 10  na kwa sasa wanafanya uwasilishaji fedha kwenye kaya 7320 ambapo hivi karibu

Kwa upande wao baadhi ya wanufaika wa Mpango huo akiwemo Bw.Nestory Maridadi amesema kuwa mpango huo umemsaidia katika kukodi mashamba kwa ajili ya shughuli za kilimo ambapo pia Mkuu wa Wilaya ametembelea baadhi ya Miradi ya wanaufaika hao ikiwemo ufugaji wa nguruwe na kupongeza hatua wanazopiga wanufaika wa Mpango huo.