WATAALAM KUTOKA MKOA WA GEITA WAPATIWA MAFUNZO UTEKELEZAJI WA MRADI WA KUKUZA USAWA WA KIJINSIA TANZANIA(PAMOJA)

Posted on: November 13th, 2025

Morogoro-Tanzania

Ofisi ya Rais-TAMISEMI kwa kushirikiana na Wizara ya Maendeleo ya Jamii, Jinsia, Wanawake na Makundi Maalum, Wizara ya Fedha pamoja na Serikali ya Mapinduzi ya Zanzibar imeendesha mafunzo kwa Wataalamu kutoka Mikoa 10 na Halmashauri 40 juu ya utekelezaji wa mradi kukuza usawa wa kijinsia Tanzania (PAMOJA).

Awali akifungua mafunzo hayo Novemba  13,2025 katika Ukumbi wa Chuo cha Jordan Mkoani Morogoro  Ndg Steven Mwatambi ambaye ni Mkurugenzi Msaidizi anayesimamia Utawala bora na huduma za kijamii amewataka washiriki hao kuzingatia matumizi sahihi ya fedha za Mradi, kuwa na mpango kazi katika mradi na  kutoa taarifa kwa wakati katika utekelezaji wa Mradi huo.

Pamoja na hayo Ndg Mwatambi amewataka kufanya kazi kwa weledi kwa kushirikiana ikiwa ni pamoja na kuishirikisha jamii husika ili kuleta matokeo na  kumuheshimisha Mhe Rais kama championi wa Mradi huo.

Mkoa wa Geita ni miongoni mwa Mikoa inayoshiriki Mafunzo hayo yatakayodumu kwa siku mbili  yakilenga kuwajengea uwezo wataalam hao katika kuzuia na kutokomeza ukatili wa Kijinsia (GBV) na jamii zinazoishi katika Mazingira magumu ambapo jumla ya Dola Milioni 100 na Ruzuku ya Dola Milioni 4 kutoka Benki ya Dunia zitatumika katika utekelezaji wa mradi wa PAMOJA.

Mikoa mingine inayoshiriki ni pamoja na Mkoa wa Arusha,Mwanza,kagera,Tabora,Rukwa,Shinyanga, Singida,Simiyu na Mkoa wa Mara