KATIBU TAWALA MOROGORO DKT MUSSA AZITAKA HALMASHAURI KUUNGA JUHUDI ZA VIKUNDI VINAVYOWEZESHWA NA SERIKALI KULETA MATOKEO CHANYA.

Posted on: November 14th, 2025

Morogoro-Tanzania

Katibu Tawala wa Mkoa wa Morogoro Dkt. Mussa Ali Mussa , Novemba 14, 2025 amefunga mafunzo ya Wataalamu kutoka Mikoa 10 na Halmashauri 40 yaliyofanyika Mkoani Morogoro katika chuo cha Jordan.

Akizungumza na Wataalam 540 waliohudhuria mafunzo hayo Dkt Mussa amesema Serikali inaendelea kufanya juhudi mbalimbali kuhakikisha wananchi wanaondokana na umasikini , kuondoa vitendo vya uzalilishaji na kuwawezesha wananchi.

Dkt Mussa amewataka Wataalam hao kuunga Juhudi za Vikundi ambavyo vimewezeshwa kwa kununua bidhaa zao " Hatuna budi kununua bidhaa ambazo wanazizalisha au kuwatafutia masoko kama Halmashauri katika miradi inayotekelezwa ili kupata matokeo mazuri" Amesema Dkt Mussa.

Katibu Tawala Mkoa wa Morogoro Dkt Mussa Ali Mussa akifunga Mafunzo ya Mradi wa Pamoja kwa Wataalamu Kutoka Mikoa 10 na Halmashauri 40

Vilevile Dkt Mussa amewataka Wataalam hao kushirikiana katika idara na vitengo vyao ili kuleta ufanisi uliokusudiwa.

Mafunzo hayo yaliyofanyika kwa siku mbili Mkoani Morogoro yamelenga kuwajengea uwezo wataalam kutoka Mikoa 10 na Halmashauri 40 kwenda kukabiliana na vitendo vya uzalilishaji kwa kuzuia na kutokomeza ukatili wa Kijinsia katika jamii ikiwa ni pamoja na kuwawezesha wanawake kiuchumi ili kupunguza vitendo vya ukatili  katika jamii.