ZAIDI YA WANANCHI 30,954 WANUFAIKA KUPITIA KAMPENI YA MSAADA WA KISHERIA YA MAMA SAMIA

Posted on: February 4th, 2025

Nzera-Geita

Timu iliyokuwa ikitekeleza Kampeni ya Msaada wa Kisheria ijulikanayo kama Mama Samia Legal Aid Compaign leo Februari 4,2025 imekabidhi repoti yake ofisi ya Mkurugenzi Mtendaji Halmashauri ya Wilaya ya Geita.

Kiongozi wa Timu hiyo kutoka Wizara ya Katiba na Sheria Bi Scolastica Mality amesema timu hiyo imefanikiwa kwa asilimia 100 kwa kuzifikia kata 10 na vijiji 31 badala ya 30 vilivyopangwa

Kaimu Mkurugenzi Mtendaji Halmashauri ya Wilaya ya Geita Dkt Modest Burchad akipokea taarifa ya Utekelezaji wa Kampeni ya Msaada wa Kisheria ijulikanayo kama Mama Samia Legal Aid kutoka kwa Mratibu wa Kampeni hiyo Bi Scolastica Mality

Kata zilizofikiwa ni Lwamgasa, Katoro, Ludete, Magenge, Kakubilo,  Nyawilimilwa,  Nkome, Bugulula, Isulwabutundwe na Nyarugusu  ambapo jumla ya wananchi 30,954 wamefikiwa katika Kampeni hiyo na zaidi ya migogoro 81 imesikilizwa huku migogoro 10 ikitatuliwa hapo hapo.

Kwa upande wake Kaimu Mkurugenzi Mtendaji Halmashauri ya Wilaya ya Geita Dkt Modest Burchad ameishukuru timu hiyo kwa kazi  waliyoifanya na kusema  Halmashauri itaendelea kutoa ushirikiano kila wakati.

Timu iliyokuwa ikitekeleza Kampeni ya Msaada wa Kisheria ijulikanayo kama Mama Samia Legal Aid Compaign ikiwa katika ofisi ya Mkurugenzi Mtendaji Halmashauri ya Wilaya ya Geita kukabidhi taarifa za utekelezaji wa Kampeni hiyo

Timu hiyo ilianza utekelezaji wa Kampeni ya Msaada wa Kisheria Januari 26,2025 na kuhitimisha Februari 4,2025.