WANAFUNZI WA BUYAGU SEKONDARI WAFURAHISHWA NA MRADI WA UJENZI WA VYUMBA VYA MADARASA KUPITIA FEDHA ZA UVIKO 19

Posted on: December 3rd, 2021

Wanafunzi wa shule ya Sekondari Buyagu wamefurahishwa na maendeleo ya Mradi wa vyumba sita vya madarasa unaoendelea katika shule yao.

Wakizungumza na  Mkurugenzi Mtendaji wa Halmashauri ya Wilaya ya Geita John Paul Wanga Disemba 3, 2021 shuleni hapo  wamesema kuwa kukamilika kwa Mradi huo kutawasaidia kusoma katika mazingira rafiki na vutivu.

Kwa upande wake Mkurugenzi Mtendaji wa Halmashauri ya Wilaya ya Geita John Wanga amewaasa wanafunzi hao kusoma kwa bidii ili kutimiza ndoto zao  kwa kuwa Serikali ya awamu ya tano inawajali na kuwaboreshea mazingira ya kujifunzia.

Wanga ametoa kauli hiyo  alipotembelea shuleni hapo kukagua maendeleo ya Mradi wa ujenzi wa vyumba sita (6) vya madarasa vinavyojengwa katika shule hiyo kupitia fedha za mpango wa uviko  19 zilizotolewa na Mheshimiwa  Rais  Samia Suluhu Hassan.

Wanga amewaambia kuwa Rais Samia ameipatia shule hiyo ya Buyagu kiasi cha shilingi milioni mia moja ishirini (120,000,000) kwa ajili ya ujenzi wa vyumba sita vya madarasa ambayo yatakuwa na kiti na meza  ili kuwarahisishia mazingira ya kujifunzia kwa lengo la kupata Elimu bora.

Ameendelea kusema kuwa jukumu walilonalo wanafunzi hao kwa sasa ni kusoma kwa bidii ili kufikia malengo yao huku akiwataka kuitunza miundombinu hiyo pindi itakapokamilika na kuanza kutumika. 

Aidha Wanga amemshukuru pia Rais Samia kwa kuipatia Halmashauri ya Wilaya ya Geita shilingi bilioni 7 na milioni 940  kwa ajili ya ujenzi wa madarasa 352 na miradi kadhaa ya Afya inayoendelea kujengwa katika kata mbalimbali huku akifuatilia kila hatua ya maendeleo ya Miradi hiyo.