HOSPITALI YA HALMASHAURI YA WILAYA YA GEITA NZERA,INAKARIBIA KUANZA KUTOA HUDUMA ZA KIBINGWA

Posted on: August 24th, 2021

Hospitali ya Halmashauri ya Wilaya ya Geita Nzera,inategemewa kuanza kutoa huduma za kibingwa kila mwezi ifikapo septemba mwaka huu, kwa lengo la kuwasogezea huduma wagonjwa mbalimbali.

Hayo yamebainishwa leo agosti 24, na Mganga Mkuu wa Wilaya ya Geita

Dkt.Modest Rwekaemula, ambapo amesema kuwa, huduma hizo zinatarajiwa kuanza kutolewa kufikia mwezi wa tisa mwaka huu,kwa kuwa kuna Madaktari wa kutosha,maabara,vifaa tiba na miundombinu mingine ya muhimu.

Majengo mawili ya wodi yanayoendelea kujengwa katika hospitali ya wilaya ya Geita Nzera 

Ameelezea ujenzi unaoendelea hospitalini hapo wa majengo matatu ambayo ni wodi za wanawake,wanaume na watoto,kwamba umefikia 80% na unatarajiwa kukamilika ifikapo mwezi septemba mwaka huu.

Amesema kuwa ujenzi wa wodi hizo umefanyika kupitia fedha zilizotolewa na Serikali kuu,kiasi cha shilingi milioni 500.

Akifafanua zaidi amesema kuwa awali Serikali kuu ilileta hospitalini hapo kiasi cha shilingi bilioni 1 na milioni 800 ambazo zilitumika kujenga majengo ya utawala,wagonjwa,maabara,jengo la ufuaji (laundry),jengo la mionzi,wodi ya wazazi na jengo la dawa ambayo kwa sasa yanatumika.

Jengo la wodi katika hospitali ya wilaya ya Geita Nzera

Aidha amewataka wananchi kuiamini Hospitali hiyo kwa kuwa imeboreshwa Zaidi kwa lengo kuwapatia huduma bora za afya.